Perpustakaan ngulik sehananing sastra

DHARMA WACANA BAHASA BALI

PERPUSTAKAAN  GENAH  NGULIK  SEHANANING SASTRA”.

“OM SWASTIASTU”

Inggih suksma atur uningayang titiang majeng ring ugrawakia  antuk galah sane katiba ring padewekan titiang sadurung titiang ngaturang jagra paungu amatra dumadak dumadik antuk asung kerta wara nugrahan ida SANG HYANG WIDHI WASA irage sinareng sami ngemanggihin kerahajengan lan kerahayuan.

Inggih  majeng ring para manggala para sujana dang acharya miwah para maha diaksa sane banget kusumayang titiang,asapunika naler majeng ring para manggala para nayaka panureksa sane banget mustikayang titiang,lan para pemilet utsawa mepidarta bali sane banget semaliha mantuk ring ratu ida dane para semeton titiang sinareng sami sane banget tresna asihin titiang.

Ring rahinane sane kelintang becik puniki angayubagia pisan titiang isangkur mabet jamprah polih ngameletin Utsawa Pidarta Mabasa Bali mapidarta puniki boyo  je titiang sekadi nasikin segara purun peresangga titiang ngadeg ring ajeng ratu ida dane para semeton titiang sane sampun sahuninga indik kawentenan titiange sekadi mangkin puniki wantah nyarengin lomba mepidarta bahasa bali dumogi ajeg bahasa balin druene.

Inggih ratu ida dane para semeton titiang sane manubagia mungguing bantang bebaos sane jaga atur uningayang titiang nenten wenten tios ngeninin parindikan sane mamurda “PERPUSTAKAAN  GENAH  NGULIK  SEHANANING SASTRA”.

Iinggih ratu ida dane para semeton titiang sane banget rumaketang titiang  mungguing iraga sampun sahuninga ring sejeroning kawentenan pakibeh aab jagate sekadi mangkin sane ketah kebaos era kesejagatan kepikantenan pisan para sisiane sayan sayan lami sayan sayan nguredang sayansayan surup pemargin ipun napi mekawinan kadi asapunika? Santukan para sisiane nenten uning ring sejeronning melajah utamaning ngewacen ring sekolah,napi malih sane mangkin sampun kapikamkamin olih sang angamong rat sajeroning ngajegang utawi ngewerdiang budaya ngawacen ring sekolah antuk ngewangun ring soang soang sekolah merupa wewangunan sane ketah kabaos perpustakaan,iraga dados sisia patut uning indik perpustakaanne punika  lan napi daging wewangunan perpustakaanne punika? Tur napi tetujon sang angamong erat ngewangun perpustakaane punika?

Inggih ratu ida dane para semeton titiang sane banget mustikayang titiang napi kebaos perpustakaane punika? Sane kebaos perpustakaane punika wantah merupa wewangunan sane mupulang sesuratan utawi kria patra,rauhing dokumentasi merupa gambar,film,foto, miwah sane lianan sane satmaka tetamian sane keanggen ka pungkur wekas ,taker sumangdane dados nelebang daging daging sastra sane satmaka panuntun ring sejeroning maurip ring jagate  punika mawinan dahat mautama pisan perpustakaane punika ,indika punika keanggen pratiwimba nempasin indik parilaksanane sane awor tan pewates,sekadi akeh sane kapratiatsayang titiang luire:  

1 para sisiane tan uning ring sor singgih metata bahasa bali

            2 para sisiane metungkasan mejaguran ring margi margi semaliha metrektrekan ring sejeroning marginerobos lampu barak semaliha tan eling ring raga tan medalem jiwa premana, indik kawentenan ring ajeng iraga dados sisia patut eling ring raga antuk malajahang angga sinalih tunggil nguwacen utawi ngulik sastra ring perpustakaan anggen sarana ngruruh kaweruhan sane mautama.  

            Ingih ratu ida dane semeton titiang indik kawentenan ring ajeng purun titiang metetimbang wirasa pamekas majeng ring para sisiane patut uning ring geguat gaguat sastra sane ketah kebaosang “masa muda adalah masa belajar”puniki masuksema iraga sareng sami para anom anome,mangdane teleb ngulati kaweruhan.Mapan maurip dadi manusa waluyan nyane sekadi petapan ambengane ,ring sejeroning alit iraga kabaos mengpeng lanying, mangan ngidepang widya sastra.yan sampun wayah wastu sida dados kereb,maka pengayom jagat. kabaos ring sejeroning sastra “taki-takining sewaka guna widya’’ sekantune alit iraga metaki taki ngerereh kawigunan lan keweruhan sane mautama. Antuk punika ngraris titiang pinaka jadma kari tuna kelintang padewekan titiange maparidabdab majeng ring para sisiane sumangdane sareng-sareng nincapang ngulik tur ngewacen sehananing sastra mangda presida iraga dados sisia mawiguna ka pungkur wekas lan presida ngajegang budaya maka miwah ngelestariang sastra baline sumangdane pulo Bali kari kebaos olih para turise ‘’Bali is the best,Bali is beautiful,Bali is great etc........”

            Yan punika sampun sida katelebang, mejanten sampun mupu tetujon pemerintahe ngewangun perpustakaan. Duaning maka unteng tetujon punika tan lian wantah mautsaha nincapang kaonengan para sisiane mangda seneng ngewacen sinah sida nincapang kaweruhan ,sane dahat mawiguna rikala ngempu uripe kapungkur wekas.

            Purun titiang ngurit gigitan amatra mapiranti antuk  “PUPUH GINADA”         

NGIRING MANGKIN MEDABDABANG

MELAJAH SESAI-SAI

SWADARMANE DADOS SISIA

TELEB RING PITUDUH GURU

NENTEN KASENGGUH ALPAKA

PATUT BAKTI

MELAJAH MEBEBAOSAN

            Geguritanne puniki mapiteket ring iraga sareng sami mangde eling setate melajahang rage. Ngiring ngawit mangkin melarapan “HARI GEMAR MEMBACA’’tincapang keweruhan iragane soang- soang mangda presida dados sisia sane mawiguna  

            Inggih ida dane sareng sami sane mustikayang titiang wantah asapunika presida titiang ngaturang jagra pinunggu  dumadak napi sane sampunkawedar iwawu dumadak  sane amatrayang titiang puniki wenten pikenoh ipu maka tune kirang antuk titiang nelantarang banget titiang ngelungsur geng  rena sinampura maka wesana atur titiang tan lali titiang sineb antuk parama santih

            “OM SHANTI SHANTI SHANTI OM”